Shantiiba mid baa ka baqaya shaqala'aan
02. feb. 2010 11.07 SoomaaliDadka u shaqeeya shirkadaha gaarka ah shantiiba mid baa ka baqaya shaqala'aan. Sidaas waxa qoray wargayska Jyllands-Posten.
- Waa tiro aad u badan, waxana ay astaan u tahay, inay dheer tahay goorta laga soo kabto xiisadda dhaqaalaha. Dad badan baa dareemaya kalsoonidarro dhinaca shaqadooda, ayuu yidhi borofisar Flemming Ibsen, oo ka tirsan Aalborg Universitet.
Wuxu ku qiyaasay, in cabsidu saamaynayso wada xaajoodka ururada shaqaalaha iyo shaqobixiyayaasha.
- Cabsida laga qabo, in shaqada la waayo, ayaa keenaysa in la dalbado mushar yar.
Shaqabixiyayaasha ayaa hor fadhiya xoogagga shaqaalaha, oo aan jid kale u bannaanayn sidii berigii hore. Taasi waxay shaqabixiyayaasha siisay awood ay ka faaidaystaan, ayuu yidhi.
Waxa tarjumay: Ahmed Diria Liban