Dadka kansarka qaba oo si kale loo dawaynayo
03. feb. 2010 12.00 SoomaaliSaddex cusbatal oo deenishka ah ayaa bilaabay tijaabada qaab cusub oo loo dawaynayo kansarka naasaha, oo ah cudurrada deenishku aad uga cabtaan, awelna loola tegi jiray jarmalka, sidaas waxa qoray wargayska Berlingske Tidende.
Ilaa hadda dumarka qaba kansarka baahsan ee naasaha, waa inay bixiyaan lacagta dawaynta cusub koonfurta xadka- markay jarmalka tagaan.
Cusbatallada Herlev, Odense iyo Århus ayaa bilaabay tijaabooyin lagu magacaabo kimoterebiga goobta, taas oo dawada toos loogu mudayo xubinta uu ku dhacay kansarka baahsani.
Ujeedada tijaabadani waa in la eego, bal in dawayntani soo ururin karto burooyinka kansarka ama gebi ahaan kaxayn karto.
Waxa tarjumay: Ahmed Diria Liban