Baarar tiro yar oo Kobanheegan ah
12. jul. 2010 11.37 SoomaaliMustaqbalka waa in la kala fogeeyo baararka Kobanheegan. Waa sidaas talada badhasaabka daryeelka iyo caafimaadka ee caasimadda Ninna Thomson, oo ku tilmaantay isticmaalka alkahoosha ee deenishka mid aad u sarraysa:
- Nasiib wanaag waxa aynnu haysannaa fursado siyaasadeed oo hoos loogu dhigi karo isticmaalka alkahoosha - waxa tusaale ahaan la xaddidi karaa tirada liisamada alkahoosha, ayay ku qortay qaybta doodaha ee wargayska Kristeligt Dagblad.
Waxay soo jeedisay, in dawladda hoose ee Kobanheegan qorshe u samayso tirada liisamada la bixinayo, xilliyada ay furnaanayaan baararku, xaaladdaha baararka iyo fogaanta ay u jiraan dugsiyada.
Waxa tarjumay: Ahmed Diria Liban, Statsbiblioteket