Fælleslisten oo deenish badani galeen
14. jul. 2010 09.42 SoomaaliSiyaasiyiinta deenishka ee ka hawlgal xarunta baarlamanka ee Christiansborg aad baa loogaga kacsan yahay meelaha ka durugsan magaalooyinka waawayn, arrintaasina wax wayn ayay gebi ahaan ka beddelaysaa siyaasadda deenishka, sidu qoray wargayska Berlingske Tidende.
Ra'yiururin loo sameeyay wargayska Avisen ayaa muujisay, in xisbiga Fælleslisten laga yaabo, inuu codbixiyayaasha ka soo jiito dhinacyada kala duwan ee siyaasadda iyo dhammaan gobollada deenishka oo dhan.
- Aad ayaan ugu faraxsanahay, waana aan la yar yaabay, waayo sidaas na looma aqoon, haddana sida muuqato waxa aannu dhammaan meelaha Kobanheegan u dhowdhow ku leenahay dad na metela, ayuu yidhi guddoomiyaha xisbiga Fælleslisten, Leif Hornshøj.
Waxa tarjumay: Ahmed Diria Liban, Statsbiblioteket